近頂個月受淡江大學黃瑞茂（Ng Sui-bō͘）副教授邀請，tī店頭設立真人圖書 koán ê khng-páng，介紹ê是阮老pē，惠元藥局第二代頭家杜秀元先生。Hām新北市真人圖書 koán邀請講者上台ê方式無仝，由淡江大學建築系社區營造專題課程主導ê淡水真人圖書koán，是beh邀請民眾行入來，聽淡水在地ê故事kah聲音。目前除了滬尾街（舊街）惠元藥局，iáu閣有真人圖書koán一號店萬寶堂漢藥房第三代頭家陳俊吉。Ta̍k-ke 有閒會 tàng去行行看看leh、若有 tú-tio̍h 頭家 tō 通聽 tio̍h 閣 khah chōe ê 故事 o͘h。

　　Khng-páng chhāi好、頂á有寫tio̍h我看阮lāu-pē半世人ê堅持、大人愛kah gín-á講臺語（pē-bú話 / 母語）、若無臺灣ê本土語言lóng會無去。伊m̄-nā ka-kī做、mā對每一 个gín-á ê人客推捒伊ê理念、無插是pē-bú ia̍h是阿公阿媽。Tī chit khoán環境大漢、我mā接續chit ê理念、hō͘ gín-á正做會凍用全臺語生活ê人。M̄-koh比起阮阿公、tō是 gín-á ê 阿祖、伊tú開藥局ê時閣tī淡水中學（chit-má ê淡江中學）教化學呢（這khng-páng頂mā有寫tio̍h）；臺語m̄-nā會tàng生活niā-niā、教育、研究、醫學、文學、藝術、其實社會各層面lóng通用臺語；是咱長期受「國語教育」、失去chit-ê能力、袂記得ah。

　　時代演進、感謝其他mā leh為母語phah-pià ê人、臺語環境kah以早í經無仝ah。除了有袂chió推捒臺語ê團體；新ê臺語文藝文活動、節目、電影、歌曲；臺文冊、讀本、畫本。臺語文環境ná像lú來lú鬧熱、無幾若年前hit khoán ê危機感ah。M̄-koh話閣講倒tng來、基本ê問題iáu是仝khoán、臺語若無 tèng根、m̄ 是生活語言、伊chng kah閣 khah súi、閣khah緣投、伊變做閣 khah phā、閣khah chhia-iāmā無路用。

　　無tèng根ê語言是浮ê、無確定、無穩定、無感情ê；可能會變形、變做頂一代聽無个語言、mā可能隨時會閣phah無去。臺語beh tèng根、tō是愛不管時lóng共講、共寫。

　　會曉講臺語ê朋友ah、請恁tio̍h加加講臺語（尤其是厝裡有gín-á ê人、後一代ê母語教育袂tàng kan-na 靠學校）；對臺語有心、有感情ê有志ah、請恁來學寫臺文、用臺文記錄生活、寫心情、用臺文 tī線頂留話傳送信息。Hō͘咱ê話語m̄-nā活過來、閣再生枝 thòa 葉、代代傳承。（下見中文版）

　　上個月受淡江大學黃瑞茂副教授邀請，在店鋪設立真人圖書館，介紹的是我父親，惠元藥局第二代老闆杜秀元先生。和新北市真人圖書館邀請講者上台的方式不同，由淡江大學建築系社區營造專題課程主導的淡水真人圖書館，是要邀請民眾走入藥局，聽聽在地淡水的故事與聲音。目前除了惠元藥局，還有真人圖書館一號店萬寶堂中藥房第三代老闆陳俊吉。大家有空也可以去走走看看，如果遇到老闆就可以聽到更完整的故事了。

　　展版上寫著我看父親半輩子的堅持，長輩要教晚輩說臺語，不然臺灣本土語言就會消失。我父親自己踐行，也對客人如是推廣，自小在這樣的環境中成長，我也承繼他的理念，讓孩子可以成為用全臺語生活的人。臺語也不是只有生活而已，教育、研究、醫學、文學、藝術、其實各個層面都可通用，是我們長期受國語教育，失去這個能力而已。

　　時代演進，感謝其他一起為母語打拼的人，臺語的環境跟以前已經不同了。除了有很多團體推廣臺語，新的臺語文藝文活動、節目、電影、歌曲；臺文冊、讀本、畫本，整個臺語文的環境也越來越熱鬧，沒有幾年前的危機感了。不過話又說回來，基本的問題還是一樣，臺語如果沒有定根，如果不是生活語言，再怎麼變出新花樣也沒有用。

　　沒有定根的語言是浮動的、不確定的、不穩定的、沒有感情的，可能會變形，變成上一代聽不懂的語言，也有可能隨時會消失。臺語若要定根，就是要在任何時候，實踐在會話與書寫上。

　　會說臺語的朋友們，請你們多多說臺語，尤其家裡有小孩的人，下一代的母語教育，不能只靠學校教育。對臺語有心、有感情的夥伴，請你們來學習寫作臺文，用臺文記錄生活、書寫心情，用臺語進行訊息的溝通聯絡，讓我們的話語可以活過來，再生枝傳葉，代代傳承下去。

回首頁　返回TOP